Gazetari ukrainas, Roman Sushchenko është dënuar me 12 vjet burg nga Rusia pasi është shpallur fajtor për spiunim.
Sushchenko, korrespondent për agjencinë e lajmeve ‘Ukrinform’, është arrestuar gjatë një vizite në Moskë në 2016, nën dyshimet se ka mbledhur informacione të klasifikuara por këtë muaj ai ka marrë dënimin me 12 vite burg. Shërbimi Federal i Sigurisë në Rusi ka thënë se Sushchenko ka punuar për Ministrinë e Mbrojtjes në Ukrainë dhe se ai ka mbledhur informacione për ushtrinë ruse dhe Gardën Kombëtare.
Sushchenko asnjëherë nuk e ka pranuar këtë akuzë. Autoritetet në Ukrainë kanë bërë vazhdimisht thirrje për lirimin e tij dhe ky vendim ka rritur tensionet midis dy vendeve.
Kush është gazetari Roman Sushchenko?
Sipas mediave të huaja ai njihet nga të gjithë si njeriu i fjalës së lirë. Sushenko, ka qenë korrespondent i ‘Ukrinform-it’ në Francë që nga viti 2010. Ai u arrestua në Moskë më 30 shtator më 2016 gjatë një vizite private dhe u akuzua për spiunazh, të cilin ai e mohon.
“Roman është një gazetar i respektuar profesional me reputacion të fortë. Shpresojmë që vëmendja e përhapur në absurditetin e dukshëm të rastit të” spiunazhit “mund ta ndihmojë atë.” tha Sergiy Tomilenko, kryetar i Bashkimi Kombëtar të Gazetarëve të Ukrainës.
“Ne e dënojmë këtë fushatë të persekutimit të mediave dhe gazetarëve që i ndalojnë ata të japin informacion të pavarur për qytetarët e tyre dhe që është në kundërshtim me lirinë e shprehjes.”, tha Philippe Leruth, kryetari i Federatës Ndërkombëtare të Gazetarëve.
Duhet të themi se ai në Francë merrej me shkrime kulturore. Por ai ka bërë edhe disa shkrime për Vladimir Putin. Sushchenko ka shkruar se agresioni i Putinit vendosi rishikimin e një politike të përbashkët mbrojtëse në agjendën evropiane.
Një vit para arrestimit të tij, në shtator 2015, ai mendonte se Moska do të përpiqej të shiste përfshirjen e saj në shtetin anti-islamit duke luftuar në Siri për koncesione në lidhje me Krimenë dhe sanksione ndërkombëtare.
Sushchenko nuk e nënvlerësoi komponentin intelektual të rezistencës ndaj ofensivës hibride ruse kundër Ukrainës. Ai e mbështeti pikëpamjen se ajo që kishte filluar në vitin 2014 nuk ishte vetëm një konflikt midis dy vendeve, por një përpjekje e diktaturës për të ndëshkuar popullin ukrainas për zgjedhjen e tyre demokratike pro-evropiane.
Ai shkroi për skandalin e shkaktuar nga dokumentari i konspiracionit Ukrainë: “Maska e Revolucionit”, transmetuar në TV francez, i cili përsëriti plotësisht modelet ruse anti-ukrainase të keqinformimit./Hashtag.al
