Mediat italiane informojnë se kryeministri italian Giuseppe Conte e Presidenti amerikan Donald Trump kanë zhvilluar një takim dypalësh surprizë jashtë programit gjatë samitit të G7 që po mbahet në Québec të Kanadasë.

Ky takim informal Trump- Conte është përqëndruar në çështjen e Rusisë e në qëndrimin e përbashkët që Italia ka së bashku me SHBA ndaj pranimit të Rusisë në grupin e vendeve më të fuqishme të botës.

Burime nga qeveria italiane informojnë për mediat se gjatë këtij takimi dypalësh është propozuar roli i Italisë si ndërmjetës mes SHBA e vendeve të Bashkimi Europian sa i takon problematiksës të taksimeve doganore amerikane ndaj shteteve të kontinentit të vjetër.

Gjithashtu mediat italiane informojnë se Presidenti Trump ka ftuar kryeministrin italian Giuseppe Conte për një takim zyrtar pune në Shtëpinë e Bardhë.

Ndërkohë zyra e shtypit  e kreyminstrisë italiane infromon zyrtarisht se në samitin e G7 "Italia ka konfirmuar qëndrimin e saj për një dialog me Rusinë e dëshirën për rikthimin e Rusisë si vend anëtarë i grupit G8."