Kryeministri maqedonas Zoran Zaev në takimin me delegacionin e Asamblenë Parlamentare të Këshillit të Evropës për dialog posmonitorues me Republikën e Maqedonisë është shprehur se qytetarët do ta thonë fjalën e fundit në referendum.

“Qytetarët do ta japin fjalën e fundit në referendum lidhur me Marrëveshjen me Greqinë, por pres vetëdije shoqërore dhe të gjithë të qëndrojmë pas zhvillimit të Maqedonisë dhe të vazhdojmë edhe më aktivisht të ecim para”, theksoi kryeministri.

Sipas tij, marrja e datës për fillimin e negociatave me BE-në do të jetë motiv më shumë në qasjen energjike reformuese të Qeverisë, e cila në këtë proces i përfshinë aktivisht të gjithë faktorët tjerë shoqëror dhe politikë.