Një plakë e verbër që parashikoi sulmet terroriste të 11 Shtatorit, kishte thënë se Vladimir Putin një ditë do ta udhëheqë botën.

Bullgarja Baba Vanga, që vdiq në moshën 85-vjeçare më 1996, ishte e njohur si “Nostradamusi i Ballkanit”.

Më 1979, Vanga – që raportohet se parashikimet e saj ishin 85% të suksesshme – i tha shkrimtarit të saj Valentin Sidorov se Rusia do të bëhet “zot i botës” pasi Evropa të bëhet “djerrinë”.

“Të gjitha do të shkrihen, si akulli, vetëm një do të mbetet i paprekur – Lavdia e Vladimirit, lavdia e Rusisë”, tha ajo, thuhet sipas Birmingham Mail.

“Do të ketë shumë viktima. Askush nuk mund ta ndalë Rusinë”. Ajo shtoi: “Të gjithë do të largohen nga rruga e saj dhe jo vetëm që do të fitojë, por gjithashtu do të bëhet zot i botës”.

Putin, që u bë president për herë të parë 18 vjet më parë, pritet që të mbetet në fuqi për gjashtë vite të tjera.