Presidenti amerikan, Donald Trump po siguron përkrahësit e tij se do t’u pëlqenë kandidatit për Gjykatën e Lartë që ai pritet të emërojë të hënën.
"Mendoj që do t’ju bëjë lërë përshtypje shumë të mirë”, tha zoti Trump gjatë një darke me trupat amerikane të martën në mbrëmje në Virxhinian Perëndimore.
Udhëheqësi amerikan vlerësoi të emëruarin e tij të mëparshëm për anëtar Gjykatën, Neil Gorsuch, një konservator dhe ish-anëtar i një gjykate apeli, që që prej më shumë se një viti është anëtar i Gjykatës.
Ai tha se edhe për anëtarin ardhshëm, kandidatura do të ishte po aq e goditur.
Këtë javë, zoti Trump ka intervistuar shtatë kandidatë të mundshëm, gjashtë prej të cilëve shërbejnë si anëtarë gjykatash të apelit, një shkallë më poshtë se Gjykata e Lartë, si edhe senatorin nga shteti Utah, Mike Lee.
Të gjithë janë konservatorë, në përputhje me premtimin e tij ndaj votuesve gjatë fushatës presidenciale të vitit 2016, se po ti jepej mundësia që të emëronte një kandidat tjetër për postin e përhershëm të anëtarit të gjykatës, ai do të përpiqej të konsolidonte një shumicë konservatore për një brez të tërë.
I emëruari nga zoti Trump, nëse konfirmohet nga Senati do të zëvendësonte gjykatësin Anthony Kennedy, që javën e kaluar njoftoi se do të dilte në pension më 31 korrik.
Kennedy konsiderohet si anëtar me pikëpamje të moderuara në institucionin më të lartë gjyqësor të vendit që ka për detyrë të interpretojë ligjet federale, përfshirë edhe respektimin e Kushtetutës. Presidenti do të prezantojë kandidatin e tij vetëm pak muaj para zgjedhjeve në Kongres, kur demokratët shpresojnë të shtojnë numrin e vendeve që kontrollojnë në të dyja dhomat:
Anthony Kennedy po del në pension pas një karriere 30 vjeçare. Vota e tij ka qenë shpesh vendimtare për vendime të rëndësishme, përfshirë abortin, kontrollin e armëve, të drejtën e votës dhe martesat e homoseksualëve.
Pa të, Gjykata do të mbetet e ndarë midis katër anëtarëve liberalë, të cilët janë emëruar nga presidentë demokratë dhe katër konservatorëve, të emëruar nga republikanë.