Udhëheqësi kryesor i opozitës në Turqi ka shitur një prej shtëpive të tij për të paguar një gjobë rekord ndaj presidentit të vendit, Rexhep Taip Erdogan.

Kreu i Partisë Republikane Popullore (CHP), Kemal Kılıçdaroğlu, është dënuar nga gjykata për shpifje ndaj presidentit.

Erdogan deri më tani ka paraqitur 29 padi kundër Kılıçdaroğlu për fyerje, 12 prej të cilave janë finalizuar. Gjykata ka kërkuar që udhëheqësi i CHP të paguajë dëmet në total prej 870,000 lirash (155,000 dollarë).

Kreu i CHP shiti shtëpinë e tij të verës në Burhaniye, një qytet bregdetar në rajonin e Egjeut, për 500,000 lira, bëri me dije televizioni T24, duke përdorur paratë për të paguar gjobat e tij në padi të paraqitura nga Erdoğan, përveç financimit të dasmës së djalit të tij Kerem në shtator.

Fyerja e presidentit ndiqet penalisht në Turqi. Avokatët e Erdogan kanë çuar në gjykatë 1800 persona, duke përfshirë edhe nxënës shkollash dhe njerëz të famshëm.