Përveç protestave të jelekverdhëve, Franca është goditur nga një valë tjetër trazirash mbarëkombëtare. Turmat e studentëve të zemëruar kanë bllokuar shkollat anembanë Francës në protestë kundër reformës arsimore.
Mijëra nxënës të shkollave të mesme bllokuan rrugët e qyteteve franceze të hënën, protestat e tyre shpejt u kthyen në dhunë.

Të rinjtë e zemëruar, të cilët fillimisht dolën pas thirrjes së Unionit Kombëtar të Studentëve të Shkollës së Mesme , filluan të ngrinin barrikada dhe dogjën makina.