Një tifoz ‘i thekur’ futbolli dhe ish-kryetar i bashkisë së rrethit, Ekrem Imamoglu, ka ardhur nga askundi për t’u bërë një figurë e rëndësishme e opozitës turke, që vuan prej shumë kohësh.

Megjithëse i detyruar të përsëriste fushatën elektorale për Bashkinë e Stambollit, pasi fitorja e tij në mars u anulua për shkak të parregullsive të supozuara, kjo situatë ka bërë mrekulli për profilin e tij si brenda dhe jashtë vendit.

‘Ajo që po bëjmë tani është një luftë për demokracinë dhe mobilizimin për demokracinë. Do të jetë, natyrisht një revolucion kur ta përfundojmë’, tha ai ‘AFP’ në maj.

Paradoksalisht, pasi fitorja e tij u anulua nga orgaani më i lartë zgjedhor, ka rritur dukshmërinë e tij në internet, sidomos në ‘Tëitter’, ku ndjekja e tij është rritur nga 350,000 në më shumë se 2.5 milionë që nga votimi i parë.

I lindur në vitin 1970 në qytetin bregdetar të Detit të Zi të Trabzonit, në Turqinë verilindore, Imamoglu studioi për Administrim Biznesi në Universitetin e Stambollit dhe më pas mori një diplomë master në Menaxhim.

Ai punoi në biznesin e familjes së tij, në ndërtim para se të hynte në politikën lokale një dekadë më parë, duke u bërë kryebashkiak i rrethit Beylikduzu në Stambollin Perëndimor në vitin 2014. Atje ai fitoi një reputacion si administrator kompetent në lagjen e pasur.

Një pasion që ai ndan me presidentin turk është dashuria për futbollin. Presidenti turk ishte një lojtar gjysmë-profesionist në rininë e tij, ndërsa Imamoglu luajti në nivel amator dhe mban lidhje me ekipin e Trabzonspor.

Ai është gjithashtu një mysliman praktikues, gjë që e ka lejuar atë të zgjerojë terrenin e Partisë Popullore Republikane Popullore (CHP) pas viteve të pasuksesshme të shfaqjeve zgjedhore.

Gjatë fushatës së tij të parë në mars, Imamoglu vendosi për një fushatë karg mediave me qasje në terren, në takime derë më derë me njerëzit, duke shpresuar se fshehtësia do të ishte një avantazh kundër rivalit të tij të njohur të partisë në pushtet, Binali Yildirim.

Retorika pozitive

Që atëherë, ai ka dalë nga guaska e tij, duke marrë një qasje më luftarake rreth shpenzimeve “ekstravagante” që ai gjeti gjatë kohës së tij të shkurtër 18-ditore si kryetar i bashkisë së Stambollit.

Muajin e kaluar pati jo pak polemika pasi ‘CNN Turk’ shkurtoi një intervistë me Imamoglu, teksa ai mbajti tabela që përshkruanin gjetjet e pretenduara, të tilla si numri i lartë i makinave zyrtare ‘të panevojshme’.

Por çelësi i suksesit të tij ka qenë një retorikë e vazhdueshme pozitive – në dallim nga sulmet personale shpesh të egra të politikës turke – dhe raporti i tij miqësori me njerëzit në rrugë, ku shihet rregullisht duke bërë selfie me votuesit në pazaret dhe kafenetë .

Marketingu i tij ka qenë i arrirë, sidomos zgjedhja e tij e sloganit për fushatën e re: ‘Gjithçka do shkojë mirë’.

Kjo erdhi nga një djalë 13-vjeçar i quajtur Berkay, i cili vrapoi pas autobusit të zgjedhjeve të Imamoglu duke thirrur fjalinë që më pas u kthye në slogan.

Ai ka ardhur duke e përmirësuar stilin e tij të fushatës dhe ka arritur të afrojë bizneset dhe artistët, të cilët shpesh kanë pasur frikë të sfidojnë partinë në pushtet në të kaluarën.

Pas 17 vjetësh të sundimit të AKP-së, ajo ka sjellë gjithashtu shpresë të re për CHP, edhe nëse zgjedhjet e ardhshme presidenciale nuk do zhvillohen para vitit 2023.

Imamoglu vetë, ka ende mendim modest për perspektivat e tij të ardhshme.

‘Koha do e tregojë’, i tha ai AFP-së, kur u pyet nëse ai mund të ndiqte rrugën e Erdoganit nga kryebashkiaku i Stambollit në udhëheqjen kombëtare. /Hashtag.al

VINI RE: Ky material është pronësi intelektuale e France24.com