Një sulm me armë është regjistruar në Gjermani, ku raportohet për dy persona të vdekur. Ngjarja ndodhi në Halle, në pjesën lindore të Gjermanisë.
‘Tgcom’ shkruan se ka dyshime që persona të tjerë mund të kenë ngelur të plagosur.
Fill pas ngjarjes, autori është larguar nga vendi i krimit, ndërsa policia i është vënë pas për kapjen e tij. Aktualisht nuk dihen rrethanat e ngjarjes në fjalë. Ndërkohë, Policia ka këshilluar banorët që të shmangin zonën dhe të qëndrojnë brenda.
