Votuesit në Spanjë po përgatiten të shkojnë në votime për zgjedhjet e katërta të përgjithshme të vendit brenda 4 vitesh.
Zgjedhjet e fundit u mbajtën në prill, ku Partia Socialiste e Punëtorëve (PSOE) erdhi në pushtet, megjithatë nuk arriti të krijonte një koalicion pasi fitoi shumicën e vendeve, por jo një shumicë në parlament në Madrid.
Vendi është duke luftuar për të formuar një qeveri të qëndrueshme që nga viti 2015.
Pesë kandidatët kryesorë janë kryetari i PP, Pablo Casado, Pedro Sánchez, lideri i Vox, Santiago Abascal, lideri i Podemos, Pablo Iglesias dhe lideri i Ciudadanos Albert Rivera.
Megjithatë, zgjedhjet janë në hije nga trazirat në Katalonia dhe ngritja e partisë së ekstremit të djathtë Vox. Mijëra njerëz mbajtën një tubim në Barcelonë në prag të zgjedhjeve.
Kriza katalanase ka mbizotëruar fushatën zgjedhore, me partitë në të djathtë – Vox, PP dhe qendrën e djathtë Ciudadanos duke marrë një qëndrim të ashpër anti-separatist. Mbështetja për Vox u rrit në zgjedhjet e fundit, me partinë që fitoi 24 vende në parlament me më shumë se 10% të votave. Ndërkohë, PP pësoi performancën e saj më të keqe në zgjedhje.