Kryeministri i Kanadasë Justin Trudeau shpalli kabinetin e tij të ri, ndërsa liberalët filluan një mandat të dytë sfidues në një qeveri të pakicës, mes pakënaqësisë në rritje në provincat e pasura me naftë të Albertas dhe Saskaçevanit për energjinë dhe politikat për klimën.

Liberalët fituan shumicën e vendeve në zgjedhjet federale më 21 tetor, por humbën 13 vende për të formuar qeverinë duke i detyruar ata të mbështeten te partitë e tjera për të qëndruar në pushtet.

Ata gjithashtu nuk arritën të zgjedhin asnjë deputet në Alberta dhe Saskaçevan, ku qeveritë provinciale konservatore kundërshtuan me ngulm politikat e Trudeau për taksën e emetimeve të karbonit.

Për t’u përballur me izolimin në rritje, Trudeau caktoi ish-ministren e Punëve të Jashtme Chrystia Freeland si zëvendëskryeministre dhe ministre të Çështjeve Ndërqeveritare, me shpresën se ajo do të përdorë aftësitë e saj diplomatike për të adresuar zhgënjimin politik.