Ministri i Jashtëm serb, Ivica Daçiç, ka deklarur sot se Serbia nuk ta njohë pavarësinë e Kosovës dhe as nuk do të lejojë që ajo të jetë pjesë e Kombeve të Bashkuara.

Nuk është në interesin tonë që ta ashpërsojmë situatën, citohet të ketë thënë shefi i diplomacisë serbe.

“Ne duam që ajo të jetë e qetë dhe të zbatohet marrëveshja e Brukselit, por nga bashkësia ndërkombëtare duhet të tregojë nëse e do Serbinë si partnerë apo si peng të marrëdhënieve të këqija”.

Daçiç theksoi se nëse Kosova nuk përmbush detyrimet nga Marrëveshja e Brukselit për Asociacionin e Komunave serbe, deri më 20prill, atëherë Serbia do detyrohet të vendosë sesi do të veprojë me tej.