Një bloger kundër presidentit rus Vladimir Putin është vrarë në mes të frikës se një skuadër sulmuese ruse po bëhet e pa kontrollueshme në Evropë. Imran Aliev u gjet i prerë me thikë në fyt në një dhomë hoteli në Lille, Francë, javën e kaluar.

44-vjeçari kishte kundërshtuar ashpër si presidentin rus Vladimir Putin dhe liderin çeçen Ramzan Kadyrov. Çeçenia është pjesë e Federatës Ruse. Policia Franceze beson se vrasja e tij ishte ‘e motivuar politikisht’.

Oficerët tani shpresojnë të gjurmojnë shokun e udhëtimit të viktimës 35 vjeç, i cili u zhduk menjëherë pas vrasjes.

Dyshja kishin udhëtuar nga shtëpia e Z. Aliev në Belgjikë për në Francën veriore me tren më 29 janar, ku ata u prenotuan hotelin. Menaxheri shkoi të kontrollonte vizitorët të nesërmen dhe zbuloi trupin e Z. Aliev.

Mendohet se në vendin e ngjarjes është gjetur edhe një thikë, e cila që nga ajo kohë është dërguar në një laborator mjekoligjor për analiza.

“[Aliev] u largua nga Belgjika të mërkurën, ku ai ishte nën mbrojtjen e policisë për shkak të kërcënimeve nga Rusia dhe Çeçenia për rolin e tij opozitar,” tha një zyrtar i lartë i policisë franceze.

“Ai ishte i shoqëruar nga një çeçen tjetër, të cilin ne e kemi identifikuar me prova bazuar në dokumentet e tij të udhëtimit”.

Ai shtoi se Franca nuk kishte kontaktuar ende me Rusinë për ndihmë në këtë çështje.