Me radhë të gjata dhe kaos u përballën pasagjerët në aeroportet indiane ndërsa fluturimet rifilluan dy muaj pasi u ndalën për të ndihmuar në ndalimin e përhapjes së koronavirusit.

Mediat lokale thanë që gati 100 fluturime u anuluan, por shumë të tjera u ngritën.

Shteti Maharashtra, i cili ka numrin më të madh të raseteve me Covid-19 në Indi, tha se do të lejonte vetëm 50 fluturime në ditë, duke çuar në disa anulime.

Pasagjerët e zemëruar thonë se nuk ishin informuar para kohe.

Disa fluturues gjithashtu iu drejtuan Tëitter-it për t’u ankuar se Air India, transportuesi kombëtar, nuk i kishte njoftuar ata për anulimet dhe kishte përgatitur oraret e nisjes.

Të tjerë thonë se ata mësuan për anulimet vetëm pasi pritën për disa orë në radhë të gjata për të hyrë në aeroport.

Zyrtarët e sigurisë po kontrollojnë temperaturën e secilit pasagjer dhe po verifikojnë nëse ata kanë shkarkuar aplikacionin e qeverisë për ndjekjen e Covid-19. Masat e tjera përfshijnë dezinfektimin e këpucëve dhe bagazheve.