Greqia do të mbyllë, për herë të parë që nga maji, restorante, bare, kafene, kinema dhe palestra në një pjesë të madhe të vendit pas një rritjeje në rastet e koronavirusit, njofton Kathimerini.

Kryeministri Kyriakos Mitsotakis i parashtroi masat në një fjalim televiziv, duke thënë se ato do të hyjnë në fuqi të martën në mëngjes dhe do të zgjasin për tërë nëntorin

Zonat e prekura janë shumica e veriut të Greqisë dhe e rajonit të Athinës. Restorantet në këto zona do të ofrojnë vetëm marrje me vete dhe dorëzime në shtëpi.

Në pjesën tjetër të vendit, maskat do të bëhen të detyrueshme kudo dhe një shtetrrethim do të jetë në fuqi nga mesnata në 5 të mëngjesit.

Në ndryshim nga bllokimi i pranverës, udhëtimet brenda vendit nuk do të preken dhe dyqanet me pakicë do të qëndrojnë të hapura.

Rastet e përditshme të koronavirusit u rritën mbi 1.000 këtë javë, duke arritur kulmin në 1.690 të premten