Kancelarja gjermane Angela Merkel tha se ajo shpreson që vaksinat në ardhje e sipë r të ndryshojnë rrjedhën në betejën kundër COVID-19.

Por duke folur në podcastin e saj javor të videos, ajo paralajmëroi se kjo nuk ishte çështje vetëm disa muajsh.

“Pas më shumë se nëntë muajsh pandemie, ne tani po shohim një dritë në fund të tunelit”, u shpreh ajo, duke shtuar se shpresonte që një ose më shumë vaksina të bëhen së shpejti të disponueshme.

Merkel theksoi se ndihma masive nga shteti në lidhje me koronavirusin e ri nuk mund të vazhdojë pafundësisht në nivelet aktuale, duke folur përpara negociatave të parlamentit për buxhetin 2021.

“Qeveria federale, shtetet dhe këshillat duhet të punojnë së bashku mirë dhe në mënyrë konstruktive për të kapërcyer pandeminë dhe pasojat e saj në mënyrën më të mirë të mundshme”, tha kancelarja.

Të martën, Bundestagu do të debatojë buxhetin e propozuar për vitin e ardhshëm, mbi një e treta e të cilit pritet të financohet nga borxhi.//ATSH