Presidenti i Turqisë, Recep Tayip Erdogan ka deklaruar se talebanët i kanë kërkuar që të marrë nën kontroll aeroportin e Kabulit përsa i përket çështjes së sigurisë.

“”Çfarë thonë talebanët në lidhje me çështjen e aeroportit? Ata thonë na jep sigurinë dhe menaxhojeni. Si ka mundësi që ne ju dorëzojmë garancinë? Le të themi se keni marrë në dorë sigurimin, por si do t’i shpjegonim botës nëse do të ndodhte një tragjedi tjetër atje? Nuk është një punë e lehtë” – është shprehur Erdogan për Anadolu Agency.

Kreu i shtetit turk deklaroi se Turqia do të japë një përgjigje për menaxhimin e aeroportit vetëm nëse qetësohet situata në Afganistan.

Sipas mediave të huaja, qeveria turke nuk e ka ndërmend që të marrë një akt të tillë përderisa po vijon që të tërheqë trupat e saj ushtarak nga Afganistani