Athina me luftanije shumëmiliardëshe, Franca armatos Greqinë përballë kërcënimit turk

Saturday, 09 October 2021 08:13

 

 

Është një marrëveshje shumëmiliardëshe për mbrojtjen, ajo e nënshkruar nga Franca dhe Greqia. Pakti do t’i lejojë shtetet që të ndihmojnë njëri-tjetrin në rast të ndonjë kërcënimi të jashtëm.

Detajet i prezantoi kryeministri grek, Kyriakos Mitsotakis, dhe kjo vjen në një kohë kur tensionet me Turqinë janë rritur ndjeshëm.

 

“Për herë të parë është përcaktuar qartë dhe shprehimisht se do të ketë ndihmë ushtarake në rast se një palë e tretë sulmon njërin nga dy shtetet”, tha kryeministri Mitsotakis.

 

Aleatët e NATO-s, Greqia dhe Franca, muajin e kaluar arritën një pakt strategjik bashkëpunimi ushtarak dhe mbrojtës, i cili përfshin një porosi për tri luftanije franceze me vlerë rreth 3 miliardë euro. Ndërsa më herët gjatë këtij viti, Athina kishte porositur 24 avionë luftarakë të prodhuar nga Dassault.

 

Qeveria greke pretendon se ky armatim është tërësisht për vetëmbrojtje. “Greqia po merr një drejtim të ri, ajo nuk kërcënon, por as nuk kërcënohet, përkundrazi, ajo po zgjeron aleancat e saj, me të drejtën ndërkombëtare si udhëzues”.

 

Gjatë fjalimit në parlament, kryeministri grek tha se dihet kush po kërcënon me luftë në Mesdhe duke iu referuar qartësisht Turqisë. Pavarësisht se të dyja vendet fqinje janë aleate në NATO, mes tyre ka shpesh retorikë të ashpër për shkak të kontestimeve lidhur me kufijtë detarë dhe të drejtën e shfrytëzimit të resurseve energjetike.

Përshkallëzimi më i fundit i tensioneve shqetësoi pa masë komunitetin ndërkombëtar, ndërsa aktualisht palët janë angazhuar me një proces dialogu për të normalizuar raportet

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

LIVE INTER-JUVENTUS/ Festë zikaltër në stadium, Xheko tund rrjetën

Sport

LIVE INTER-JUVENTUS/ Festë zikaltër në stadium, Xheko tund rrjetën

  Sot luhet në stadiumin “Giuseppe Meazza”, derbi i Italisë, Inter-Juventus, e vlefshme për javën e 9 të Serisë A italiane Interi do të kërkojë ringritjen pas humbjes që pësoi javën...

“Der Spiegel” paralajmëron: Në Ballkan po lind një konflikt i ri, pasojat për Europën do të jenë të mëdha

Globi

“Der Spiegel” paralajmëron: Në Ballkan po lind një konflikt i ri, pasojat për Europën do të jenë të mëdha

    Revista gjermane “Der Spiegel” i ka kushtuar një shkrim situatës në Ballkan. “Lideri i serbëve të Bosnjës dhe anëtar i kryesisë së Bosnjë-Hercegovinës kërcënon prej vitesh se do të shkatërrojë shtetin...

Ilir Kulla te darka e ditëlindjes së yllit mediatik italian, Mara Venier.Në darkë edhe Carrisi, Parieti, Marcuzzi dhe Ferrili

Lifestyle

Ilir Kulla te darka e ditëlindjes së yllit mediatik italian, Mara Venier.Në darkë edhe Carrisi, Parieti, Marcuzzi dhe Ferrili

  Fotolajm/Analisti i njohur shqiptar Ilir Kulla në darkën e ditëlindjes se yllit mediatik italian Mara Venier, sëbashku me Alessia Marcuzzi, Alba Parieti, Sabrina Ferrili dhe Albano Carrisi