Kombi i vogël i Katarit, i pozicionuar në një gadishull në Gjirin Persik, dikur ishte një nga vendet më të varfra në Lindjen e Mesme, por tani është një nga më të pasurit.

Në vitet e fundit, ai ka luajtur një rol kyç në negociatat në mbarë botën- jo vetëm në lagjen e tij- dhe ka çuar Izraelin dhe Hamasin në një armëpushim edhe më parë.

Udhëheqësit e Katarit kanë ndjekur një strategji për të biseduar me të gjitha palët- pothuajse të gjitha palët- në konflikte të ndryshme në Lindjen e Mesme dhe në mbarë botën, thotë Georgio Cafiero i grupit ‘Gulf State Analytics’.

Ai ka qenë i përfshirë gjithashtu në negociata me vende të tjera përfshirë Venezuelën, Çadin dhe Sudanin, thotë ai.

“Kjo është pjesë e një strategjie të politikës së jashtme, që synon ta bëjë Dohën gjithnjë e më të vlefshme për sa më shumë lojtarë të ndryshëm në skenën ndërkombëtare,” shton Cafiero.

Disa qeveri e kanë kritikuar Dohën për lidhjet me grupe ekstremiste si Hamasi, dhe në vitin 2017, Arabia Saudite udhëhoqi përpjekjet për të izoluar vendin, gjoja për ta detyruar atë të braktisë marrëdhëniet me grupet radikale dhe islamike.

Katari thotë se çdo lidhje me grupe të tilla është pjesë e një politike të pavarur të marrëdhënieve me aktorët rajonalë dhe mohon fuqishëm mbështetjen e terrorizmit.