Lufta në Gaza/ Ushtria izraelite eliminon zyrtarin palestinez të Xhihadit Islamik

Diel, 05 May 2024 19:42
 
 

Një zyrtar i lartë i grupit të Xhihadit Islamik Palestinez, i konsideruar si grupi i dytë më i fuqishëm në Rripin e Gazës pas Hamasit, u vra në një sulm ajror në Rafah, në pjesën jugore të enklavës, njoftuan forcat e armatosura izraelite të shtunën.

Ayman Zarrab dyshohet se ishte ndër komandantët e brigadës Rafah të Xhihadit Islamik Palestinez dhe ishte gjithashtu përgjegjës për sulmin në Kibbutz Shufa, një pozicion ushtarak izraelit, sipas të njëjtit burim. Përveç zyrtarit të lartë të lëvizjes islamike palestineze, janë “eliminuar” edhe dy terroristë të tjerë të Xhihadit Islamik Palestinez, të cilët ndodheshin me të në një apartament që ishte në shënjestër, gjithmonë nga ushtria izraelite. 

 

Pesë palestinezë të vrarë në Bregun Perëndimor

Ndërkohë, ushtria izraelite njoftoi të shtunën se kishte vrarë pesë “terroristë” palestinezë pranë Tulkarem, në pjesën veriore të Bregut Perëndimor të pushtuar, pas një rrethimi dymbëdhjetë orësh të një fshati. Në fshatin Deir al-Wusun, një fotoreporter i AFP-së gjeti praninë e një force të madhe të ushtrisë izraelite, e cila bllokoi rrugët rreth një ndërtese përpara se ajo të prishej nga makineritë e ndërtimit. Ushtarët hoqën dhe morën të paktën një trup nga ndërtesa.

Gjatë një “operacioni për të neutralizuar një celulë terroriste”, forcat izraelite “rrethuan një ndërtesë”, tha ushtria në një deklaratë për shtyp. Pasi “u vunë nën zjarr forcat e sigurisë u kundërpërgjigjën”, veçanërisht me raketa. Bregu Perëndimor, një territor palestinez i pushtuar nga Izraeli që nga viti 1967, është kthyer vitet e fundit në një teatër dhune të përgjakshme që nuk ndalet së përshkallëzuari. Situata u përkeqësua edhe më shumë pas 7 tetorit, kur Hamasi sulmoi Izraelin jugor. Të paktën 496 palestinezë janë vrarë nga sulmet e ushtrisë izraelite ose kolonëve hebrenj në Bregun Perëndimor që nga shpërthimi i luftës Izrael/Hamas. Gjatë kësaj periudhe, të paktën 19 izraelitë janë vrarë gjithashtu në sulmet palestineze në Bregun Perëndimor dhe në Izrael.

Login to post comments

Lajmet e fundit

Toni Kroos njofton fundin e karrierës/ BILD: Po largohet lideri i kombëtares...

Sport

Toni Kroos njofton fundin e karrierës/ BILD: Po largohet lideri i kombëtares...

Nga Christian Falk, BILD   Ai ka qenë prej vitesh një nga yjet tanë më të mëdhenj aktivë të futbollit në mbarë botën. Por jo për shumë kohë...  Lideri i kombëtares Toni Kroos...

Fluksi i pushuesve nxit turizmin detar/ Sigurimi i Përgjegjësisë për mjetet lundruese, çka ju nevojitet për një lundrim të qetë

Sociale

Fluksi i pushuesve nxit turizmin detar/ Sigurimi i Përgjegjësisë për mjetet lundruese, çka ju nevojitet për një lundrim të qetë

Vrulli i turizmit gjatë viteve të fundit në Shqipëri ka nxitur zhvillimin e aktiviteteve të turizmit detar për qëllime çlodhëse dhe argëtuese.  Sipas Ministrisë së Turizmit dhe Mjedisit deri më tani...

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Politikë

Onelda Zefi: Lali Eri vazhdon te tallet me Kombinatin te Cilin do ta bente "Kombiart".

Nga Onelda Zefi: Vendoset veto ne lulishten e vetme qe ka ngelur ne zonen e Parafabrikateve tek Rr:Llambi Bonata ne Kombinat. Shikoni sesi Lali Eri vazhdon te tallet me Kombinatin te Cilin...