"Sot në mëngjes ndihem më i sigurt se dje se Trump do të jetë presidenti i 47-të, thotë kreu i Brexit-it, Nigel Farage, dhe shumë gazeta europiane thonë se gjyqi nuk do të jetë aq i favorshëm për demokratët sa kanë shpresuar më parë.

Gazetat dhe komentet në Europë kanë reaguar ndaj gjyqit të Donald Trump-it në Manhatan, duke e shpallur atë fajtor për të 34 akuzat të enjten mbrëma. Janë të shumtë ata që mendojnë se kjo çështje nuk do t'u sjellë edhe aq dobi demokratëve. Mbështetësit e Trump-it po dyfishohen dhe kundërshtarët tashmë po votojnë kundër.

Gazeta kryesore konservatore britanike The Daily Telegraphshkruan, "Biden mendon se kjo është një fitore - por mund të zhgënjehet". Në analizën e tyre ata thonë atë që shkruajnë shumë gazeta, se: "Pak amerikanë e kanë ndjekur me përpikëri gjyqin çdo ditë. Për shumë njerëz, mundësia e një dënimi të Trump-ittashmë ka ndihmuar për vendimin e tyre.

"Dhe për ata që ende janë në mëdyshje, provat e deritanishme sugjerojnë se një dënim do ta zhvendoste garën vetëm me disa pikë."

Po ashtu, në Britani, i të njëjtit mendim është edhe lideri i Brexit-it, konservatori Nigel Farage, një mik i madh dhe mbështetës i Donald Trump-it. Duke dhënë pikëpamjen e tij të premten në mëngjes, ai paralajmëron se ngjarja tregon se sistemi gjyqësor amerikan është bërë shumë i politizuar dhe nëse përpiqen të burgosin Trump-in, ata vetëm sa do të krijojnë një "martir modern ".

"Ky vendim është skandaloz. Trump tani do të fitojë bindshëm", tha Farage dhe tha për GB News: "Personalisht mendoj se administrata e Biden-it dhe sistemi gjyqësor ameikan e kanë ekzagjeruar tej mase… Çështja kryesore është çfarë ndodh me ata që janë në mes? Njerëzit që e duan Trump-in, do të thonë 'është skandaloze'. Njerëzit e urrejnë Trump-in do të thonë "të paktën, sistemi ynë funksionon". Po ata që janë në mes? Ndërsa amerikanët e paanshëm do të thonë që kjo nuk e nxjerr mirë vendin e tyre. Dhe si për ironi, për mua, kjo është ndoshta shtytja më e madhe elektorale që ai mund të kishte pasur."

Farage shtoi: "Sot në mëngjes ndihem më i sigurt se dje se Trump do të jetë presidenti i 47-të."

Gazeta kryesore e majtë britanike, The Guardian, që zakonisht do të kishte qëndrime të ndryshme për Trump-in, ishte në të njëjtën linjë mendimi me Farage për efektin që do të ketë vendim në mendjen e amerikanëve. Në analizën e tyre ata shkruajnë: "Historianëve u intereson, gazetarëve u intereson dhe humoristëve të natës u intereson pa dyshim, por a do të ketë kjo rëndësi për votuesit?… sondazhet e njëpasnjëshme tregojnë se Trump është favoriti margjinal përballë presidentit aktual JoeBiden, pavarësisht përpjekjeve të presidentit për të anua peshoren. Nëse kjo nuk mjafton, mbase nuk do të mjaftojë asgjë."

Francezët, duke pasur parasysh përshtatjen e tyre me skandaletligjore dhe seksuale të presidentëve në detyrë, gjë që ka qenë normë në vend për dekada, janë të sigurt për Trump-in. Le Figaro konservatore, për shembull, thotë se çështja do të ketë vetëm ndikim "të lehtë" në qëndrimet e votuesve, duke qenë se shumica e ka marrë vendimin tashmë.

Gazeta në analizën e saj kryesore vë në dukje karakterin shumë specifik amerikan të sagës, me magjepsjen krahasuese të kombit ndaj gjyqeve proceseve farsë krahasuar me Europën. Duke paralajmëruar kundër spektakleve të tilla, Le Figaro e nis me një krahasim me gjuetinë e shtrigave të Salemit, "një dështim i drejtësisë dhe një traumë" si një mësim për juristët amerikanë për tre shekujt e fundit.

Gazeta kryesore e krahut të majtë të Francës, nga ana tjetër, shkroi se vendimi ishte një demonstrim i "vitalitetit" të sistemit ligjor. Le Monde raportoi: "Donald Trump? 'Fajtor'. Një fjalë, vetëm një, me jehonë globale. Një fjalë që flet si për vitalitetin e një shteti ligjor të vënë në provë, ashtu edhe për sfidën e paprecedentë që po shfaqet për demokracinë amerikane në këtë vit zgjedhor."

Gazeta gjermane Die Welt sheh gjithashtu një të ardhme të pasigurt, duke thënë se beson: "Kanë mbetur edhe pesë muaj deri në ditën e zgjedhjeve. Shumica e amerikanëve interesohen për ngjarjet politike vetëm disa javë para zgjedhjeve… Kolegët e partisë së Trump-it janë të bindur se vendimi i Nju Jorkut do të jetë një autogol për demokratët."

Në Poloni, vendi i Europës qendrore ku një koalicion globalistësh dhe të majtësh përmbysi kohët e fundit një qeveri të gjatë nacionaliste-konservatore dhe tani po pastron shtetin nga ndikimi i saj, duke përfshirë edhe vënien e besnikëve në gjykata, rezultati i Trump-it ishte një mundësi për t'u kujtuar kundërshtarëve se spastrimi do të vazhdonte. Donald Tusk, ish-eurokrat dhe dy herë kryeministër polak, shkroi këtë mëngjes: "Ligji vendos fajin dhe dënimin, pavarësisht nëse autori është president apo ministër. Politikanët polakë duhet ta mësojnë përmendësh këtë mësim amerikan. Të gjithin."

Qeveria e kaluar e Polonisë ishte mbështetëse e fortë e presidentit Trump dhe ky i fundit e vlerësoi politikanin polak Andrzej Duda si një mik të madh në një takim të fundit.