Presidenti i Republikës së Turqisë, Recep Tayyip Erdoğan sot në Ankara deklaroi se për vendet e tjera mund të mjaftojë rritja e normës ekonomike prej 2 ose 3 për qind, por Turqia synon një normë prej jo më pak se 7 për qind.

 Është treguar jo i drejtpërdrejtë, por ka lënë të kuptohet  se ka lëshuar akuza drejt perëndimit, kur ka thënë “T’i mund t’u japësh notë nxënësve për cilët e konsideron veten si mësues, kurse neve nuk mundesh”, duke treguar se nuk i pranon kritikat e vendeve perëndimore.

Erdoğan gjatë një fjalimi në ceremoninë e ndarjes të çmimeve të Unionit të Dhomave të Bursave të Turqisë (TOBB) foli  edhe në lidhje me ngjarjet aktuale në vend.

“Neve nuk na interesojnë spekulimet rreth kursit valutor, as të lobit të interesit, dhe as të armiqve të Turqisë të cilët fshihen nën maskën e agjencive të rejtingut. Ata nuk na interesojnë”, ka thënë Erdoğan.

Ai shtoi se ata janë përpjekur të ngufasin Turqinë në ujëra të cekët. “Por, ne e kemi drejtuar vendin tonë në port të sigurtë”, tha Erdoğan.

Lidhur me zgjedhjet e ardhshme presidenciale dhe parlamentare, të cilat do të mbahen në Turqi më 24 qershor, Erdoğan tha: “Çfarë do të ndodhë në këto zgjedhje? Do të ndodhë ajo që ndodhi në 12 zgjedhjet e kaluara”.