Ushtari amerikan, James Moses mori pjesë në Luftën e Parë Botërore si shofer ambulance në shërbim të ushtrisë franceze, duke shpëtuar kështu një numër të madh të plagosurish në makinën e tij tip Fort F dhe arriti t’i mbijetonte një prej konflikteve më të ashpra në histori. Por Moses ishte më shumë se thjesht një shofer në Camp de Châlons në zonat jashtë Reims. Mbërriti në fushimet e luftimeve të Francës me një kamera Kodak dhe dokumentoi me kujdes si dhe duke iu vjedhur censurës kapi skena të jetës së përditshme gjatë luftimeve. Lufta e Parë Botërore ishte hera e parë, në të cilën kamerat ishin kompakte dhe mjaft të lira në mënyrë që mund të bliheshin nga ushtarë të zakonshëm, – shpjegon nipi i Moses, Shawn Moses, profesor në gjimnaz. Ushtritë e asaj kohe (1914-1918) impononin një censurë të rreptë mbi dokumentet që dilnin mbi fushat e betejave, sidomos për ato që tregonin të vdekur, ekzekutime apo informacione të ndjeshme dhe Moses rrezikoi shumë për të ruajtur këtë fototekë të luftës. Për herë të parë ky koleksion personal ka dalë në dritë falë punës së Shawn Moses dhe Jason Jellison në “Daily Caller” duke treguar disa aspekte të papara më parë rreth jetës së përditshme përgjatë 4 viteve që shndrruan Europën në një fushë të vdekurish. / bota.al
