Ndonjëherë ndodh që fëmijët tuaj t’ju kapin në momente të papërshtatshme dhe të sikletshme, por edhe në këto raste, pavarësisht se do të ndiheni të turpëruar për situatën në të cilën ndodheni, duhet të dini si të reagoni e si të silleni.
Është shumë e rëndësishme të mos i kritikoni e të mos u bërtisni fëmijëve, pasi ata nuk ju kanë asnjë faj. Ja çfarë duhet të bëni…
Qëndroni të qetë - Nëse dëgjoni zhurmën e derës, mbulohuni shpejt por mos e humbni toruan. Nëse ju kap paniku, fëmijët do të kuptojnë nga reagimi juaj se kjo është diçka që nuk duhet bërë dhe nuk duhet ti jepni këtë ide për seksin.
Prisni për reagimin e tyre - Me shumë gjasa fëmija juaj nuk e di se çfarë po bëni, kështu që prisni njëherë të shihni reagimin. Ata mund ta kenë gati justifikimin tuaj.
Sajoni diçka - Seksi duket si diçka agresive për dikë që ende nuk e di çfarë është, prandaj sajoni diçka që do të thotë se po argëtoheshit. Për shembull: po guduliseshit, po luanit një lojë të re etj.
Shpjegoni përse jeni të zhveshur - Ky është momenti për tu bërë kreativë. Provoni njëherë me: Sapo mbaruam gudulisjen dhe mami-babi do shkonte të lahej.
Prisni që fëmija të largohet i tmerruar - Nëse fëmija juaj është aq i rritur sa për të kuptuar seksin, me gjasa do të jetë larguar përpara se ju të arrini të kapni të brendshmet. Por kjo sdo të thotë se duhet ta lini të tillë situatën. Më vonë flitini atij-asaj rreth faktit që ju po kryenit marrëdhënie, por pa shpjegime të thella për seksin.
Herën tjetër mos harroni të mbyllni derën!
