Aktorja shqiptare me famë botërore, Eliza Dushku së shpejti do të bëhet nënë.

Lajmin e bukur e ka dhënë vetë 38-vjeçarja gjatë premierës së filmit “Mapplethorpe”, ditën e enjte në Nju Jork.
Aktorja ishte së bashku me bashku me bashkëshortin, Peter Palandijan, kur tregoi me krenari barkun e saj të rrumbullakosur. Ky është fëmija i parë i çiftit.
Eliza Dushku dhe 54-vjecari u martuan në shtator të vitit 2018 në Boston, vendin ku aktorja ka kaluar shumë vite të jetës dhe karrierës së saj.
“Jam martuar së fundmi dhe jam shumë e gëzuar në lidhje me këtë kapitull tjetër në jetën time”, është shprehur 38-vjeçarja.