Një aeroport luan një rol të rëndësishëm në transportin ajror dhe siguron lehtësira për avionët në ulje dhe ngritje. Një aeroport ka gjithmonë një zonë uljeje, pistë, zonë shërbimesh për avionët, si dhe terminale për shërbime të ndryshme për pasagjerët.
Lindja e Mesme ka disa nga aeroportet më të mëdha në botë, dhe Aeroporti Ndërkombëtar King Fahd në Arabinë Saudite është më i madhi në botë. Me një sipërfaqe rreth 78,000 hektarë, është më i madh se vendi ngjitur i Bahreinit. Ne po rendisim pesë aeroportet më të mëdha në botë.
- Aeroporti Ndërkombëtar i King Fahd – Dammam, Arabia Saudite (77.600 hektarë)
Aeroporti Ndërkombëtar King Fahd (KFIA) në Dammam, Arabia Saudite është aeroporti më i madh në botë me një sipërfaqe prej 77.600 hektarë . Dizajni i aeroportit filloi në 1976 dhe u krijua nga arkitektët Yamsaki & Associates së bashku me Aerosystems International. Ndërtimi filloi në 1983 dhe përfundoi në 1999.
Aeroporti ka një terminal shumë të madh. Terminali i pasagjerëve është i pajisur me shumë sportele, ku 66 të rezervuara për linjat ajrore saudite dhe 44 për linjat ajrore të huaja.
Pjesa tjetër e sporteleve është e rezervuar për imigracionin dhe doganat. Aeroporti ka mes të tjerash dhe një xhami ku ndërthuret stili modern me stilet e vjetra islamike dhe mund të strehojnë 2,000 besimtarë.
Aeroporti ka gjithashtu terminalin mbretëror që është i rezervuar për familjen mbretërore, zyrtarë të lartë të qeverisë dhe zyrtarë të tjerë të huaj. Terminali mbretëror mbulon një sipërfaqe prej 177,000 metra katrorë.
- Aeroporti Ndërkombëtar i Denverit, SHBA (13,571 hektarë)
Aeroporti Ndërkombëtar i Denverit (DIA) në Denver, Kolorado është aeroporti i dytë më i madh në botë për nga sipërfaqja e tokës dhe aeroporti më i madh në Shtetet e Bashkuara. Aeroporti ka pistën më të gjatë të përdorimit publik në SHBA. Nga DIA avionët fluturojnë drejt të gjithë Europës, Azisë, Amerikën e Veriut dhe Amerikës Latine, në total ofrohen 187 destinacione.
Aeroporti është cilësuar si më i miri në Amerikën e Veriut për gjashtë vjet radhazi dhe si dhe aeroporti më i mirë në Amerikë nga Time Magazine në vitin 2002.
- Aeroporti Ndërkombëtar Dallas / Fort Worth -SHBA. (6,963 hektarë)
Aeroporti Ndërkombëtar Dallas / Fort Worth (DFW) në Dallas, Teksas është aeroporti i tretë më i madh në botë për nga sipërfaqja e tokës, me një sipërfaqe prej 7.800 hektarësh. Përveç mbajtjes së këtij titulli, ajo njihet gjithashtu si një nga aeroportet më të ngarkuara në botë.
DFW fluturon në mbi 200 destinacione në të gjithë botën. Destinacioni më i njohur është Los Angeles, Kalifornia, i ndjekur nga Illinois. Aeroporti ka gjithsej 5 terminale.
- Aeroporti Ndërkombëtar Orlando, SHBA. (5,383 hektarë)
Aeroporti Ndërkombëtar Orlando (MCO) është aeroporti më i madh në Florida, si dhe një nga aeroportet më të mëdha në Shtetet e Bashkuara. Me një sipërfaqe prej 5,383 hektarë, kryesisht fluturimet janë në Orlando, Central Florida, e cila është një destinacion jashtëzakonisht i njohur turistik falë parqeve të tij masive.
Mbi gjysma e popullsisë së Floridës mund të udhëtojë drejt Aeroportit Ndërkombëtar të Orlandos në më pak se dy orë.
- Aeroporti Ndërkombëtar Dulles – Washington, D.C., USA (4,856 hektarë)
Aeroporti Ndërkombëtar i Dulles Washington është një aeroport i vendosur në Virxhinia. Aeroporti është 42 km në perëndim të qytetit Washington, D.C., në Loudoun dhe Fairfax të Virxhinias. Aeroporti mbulon një sipërfaqe prej 4,856 hektarësh dhe i shërben zonës përreth Washingtonit, D.C. Nga ky aeroport mund të fluturohet në 100 destinacione.
