Personat të cilët kanë grup gjaku 0, janë dyfish të rrezikuar të humbin jetën nga plagët e rënda, pasi ky grup gjaku ka nivel të ulët të një agjenti të koagulimit, që mund të çojë në gjakderdhje të madhe.

Sipas një studimi të Dr Wataru Takayama, nga Spitali Universitar Mjekësor dhe Dental i Tokios, të dhënat e pacientëve të pavionit të emergjencës në Japoni, treguan se ata persona që kishin grup gjaku 0 përbënin 28% të vdekjeve.

Ndërsa përqindja e vdekjeve tek pacientët me grupe të tjera gjaku, ishte 11%.

Dr Wataru Takayama tha se grupi i tij i punës dëshironte pikërisht që të testonte hipotezën se shanset për të mbijetuar nga trauma, varen nga grupi i ndryshëm i gjakut.

Grupi i gjakut përcaktohet nga proteinat që ndodhen në sipërfaqe të qelizave të kuqe të gjakut, ku ato kryesoret janë janë A, B dhe AB.

Grupi 0, mund t’i dhurohet të gjitha grupeve të tjera pa pasur asnjë efekt negativ.

Megjithatë, personat me këtë grup gjaku kanë nivele më të ulëta të faktorit të njohur si Van Willebrand, një agjent që mund të parandalojë vdekjen nga gjakderdhja.