Prodhuesi gjerman i makinave njoftoi fillimisht për tërheqjen e automjeteve të tij nga tregu në Britaninë e Madhe, pasi Narayan Gurung, që po udhëtonte me bashkëshorten në ditën e Krishtlindjes së vitit 2016, humbi jetën kur “Ford Fiesta” i tyre u përplas me një pemë për të evituar një BMË me defekt, në Guildford, Surrey.
BMË-ja kishte pësuar një defekt elektrik, që kishte bërë që dritat e saj të mos funksiononin, duke bërë që mjeti të mbetej i ndaluar në errësirë në një rrugë kryesore.
Një hetim i autoriteteve doli në përfundimin se defekti mund të përsëritej në një numër më të madh automjetesh. Kohët e fundit u bë e ditur, madje, se BMË-ja nuk kishte informuar Agjencinë britanike të Standardeve të Automjeteve për defektin elektrik në disa prej makinave të saj.
Sipas një hetimi, kompania kishte marrë ankesa për një problem elektrik që në vitin 2011. BMË-ja kishte tërhequr nga tregu në SHBA plot 500 mijë makina në vitin 2013, po ashtu edhe në Australi, Kanada dhe Afrikën e Jugut.
