Qeverisja e Edi Rama e ka pasur të gjithë epiqendrën e aktivitetit të saj kriminal te ministri i Brendshëm. Rasti i Sajmir Tahirit në postin e ministrit të Brendshëm, i njohur në Tiranë si çun rrugicash dhe cigare-blerësi i bandave, shënoi periudhën më kriminale të historisë së Shqipërisë, aq sa vendi u baltos në rang ndërkombëtar, duke u etiketuar nga mediat e huaja si hambari i drogës në Europë.

Tahiri, me daljen e tij të fundit, kur në vend të hiqte vetullat, nxori sytë, na rikonfirmoi se në ç’rrugaçëri e kishte degdisur Edi Rama postin e Ministrit të Brendshëm. Po ashtu, edhe me Fatmir Xhafën, shfryrja të drogës nuk pati, dhe vendi vijoi trajektoren e Tahirit.

Me zëvendësimin e Xhafës me një eksponenti të provuar në të bërit finte si Sandër Lleshi, që edhe pse me gradën gjeneral u rreshtua si ushtar i Ramës.

Parë në këtë vështrim, mosdrekretimi nga ana e Presidentit të Republikës mund të quhet si një nga hapat më të rëndësishëm në luftën kundër bandave dhe drogës që kanë kapluar vendin. Posti i ministrit të Brendshëm është bërë aq derexhe, saqë është e nevojshme vendosja e një trau, dhe ky tra njihet në Kushtetutë si dekret i Presidentit.