Policia e Shtetit dha një shfaqje të shëmtuar sot në protestën e banorëve që po u prishen shtëpinë nga Edi Rama, duke e paraqitur keq kësisoj drejtimin e Ministrisë së Brendshme nga Sandër Lleshaj. Policia nuk ishte ajo që kërkohej, ndërsa u inskenuan estrada si rastit i “prerjes së gishtave” të polices, “ngjarje” e cila më parë u shpërnda se ndodhi. Në spital, ku shkoi për të zhvilluar shfaqjen teatrin gjoja për shëndetin e policëve, Lleshaj foli kundër opozitës. Ai u bëri thirrje “përfaqësuesve politikë të caktuar”, duke e shpallur se “po mundohen të krijojnë kapital politik nga një konflikt civil” që të largësohen nga dhuna. Lleshaj, ish ushtarak, i renditur në grupin e një prej qeverive më të papërgjegjshme të historisë së Shqipërisë, kurrsesi nuk kishte asnjë lloj morali ta bënte këtë. Kjo sepse opozita është vlera e këtij vendi, është institucioni që kallëzoi shtetin e kanabisit që ndërtoi Edi Rama. Lleshaj e ka nisur ters punës e ushtruesit të ministrit, duke u përpjekur të demaskojë “armikun e klasës”. Vetë Lleshaj që synon të jetë një hije e dobët Kadri Hazbiut, mbase ka harruar se Enveri nuk ia diti për nder atij.