Ajo që ka ndodhur me 18-vjeçarin Daniel Drobaj që prej ditës së protestës të banorëve të Unazës së Re para parlamentit dhe deri më sot nuk është thjesht dhe vetëm një rast i paprecedentë dhune nga institucionet e shtetit.

Ky është edhe një paralajmërim i mirëmenduar i Edi Ramës për të gjithë ne, për të gjithë shqiptarët që kundërshtojnë politikat e tij të hajdutërisë dhe të shkatërrimit të vendit.

Danieli u mor zvarrë në protestë vetëm e vetëm sepse kishte dalë për të mbrojtur banesës e familjes së tij, ai u dhunua nga policia e shtetit duke i thyer gishtat dhe tashmë ndodhet në burg.

E gjitha kjo vetëm që Edi Rama të kujdeset që t’i shtie frikën çdokujt që përpiqet të mbrojë veten e tij nga pushteti dhunues dhe diktatorial që ky Kryeministër ka instaluar.

Daniel Dobraj është fëmijë dhe kjo nuk e bën Ramën të tërhiqet mbrapsht sepse ai mendon se vetëm kështu do të mund ta japë mesazhin e tij për shqiptarët e lirë.

Nëse do ta lejojmë që kjo çfarë ka ndodhur me Danielin të kalojë sikur të mos kishte ndodhur asgjë atëherë Rama do ta ketë rrugën e hapur.

Do të vijë në shtëpinë tënde, në shtëpitë e të gjithëve ne. Do të na dhunojë, do të na arrestojë, e do të na lërë në burg. Pastaj do të na prishë shtëpinë nëse kjo i siguron disa miliona euro më shumë për veten dhe për oligarkët e tij të pangopur.

Edi Rama duhet ndalur sot, nesër do të jetë shumë vonë!