Sot kryeministri i bandës së Rilindjes bashkë me shkopin e gomës së tij të verbër Lleshaj, guxuan të bëjnë atë që nuk kishte ndodhur që nga fillimet e viteve ’80. Është arrestuar deputeti, është prekur figura e përfaqësimit edhe pse opozita i ka djegur mandatet, nuk do të thotë që këta njerëz nuk përfaqësonin dhe përfaqësojnë pjesën opozitare të popullit. Verbëria që i shkakton urrejtja ndaj opozitës (dhe Rama ka gjetur një partner shumë të dashuruar me këtë çështje si Lleshaj), nuk i lejon të shohin përtej marrëzisë ku kanë hyrë dhe që nuk po dalin dot. Shkopi i verbër i gomës së Ramës që ka diskursin më të egër të opozitës bëri atë që e kishin bërë vetëm ministrat e diktatorit. Masa e arrestit e komunikuar për një ish-deputet, veprimet e errëta të policisë nën drejtimin e njeriut që e urren po aq sa Rama opozitën, ka shkaktuar implikimin si kurrë ndonjëherë të policisë në proceset të rënda politike.
Kjo është shumë e rëndë, është parathëne e instalimit tashmë të një diktatura më të egër se narkoshteti. U kalua caku dhe kjo bandë kriminelësh dhunuesish, narkotrafikantësh dhe vjedhësh të parave të shqiptarëve nga taksat deri në Rinas nuk ka më kufi.
Por dhe regjimet më të egra janë rrëzuar me turp dhe diktatorët e tyre kanë përfunduar në kosh të plehrave të historisë. Sa për policinë dhe implikimin e saj në procese dhe arrestime politike Lleshaj dhe kupola e tij e kanë të qartë se çfarë kanë bërë dhe si dalin konkluzionet.
