Zëri i Amerikës/Meta: Bashkë me Teatrin Kombëtar ra çdo iluzion për ekzistencën e shtetit të së drejtës në Shqipëri

E mërkurë, 20 May 2020 16:34

Nga Zëri i Amerikës-

Gjykata e Tiranës shqyrtoi sot masat e arrestit për 8 të ndaluarit në protestën e të dielës, një tubim spontan pas shembjes së Teatrit Kombëtar.

 

Prokuroria kishte kërkuar që 2 prej tyre të mbaheshin në arrest shtëpie dhe 6 të tjerë të hetoheshin në gjendje të lirë pas akuzave për tubim të paligjshëm dhe kundërshtim të policisë.

Gjykata vendosi që të zgjatë kohën e paraburgimit për dy prej tyre, 3 u liruan, ndërsa për 2 të tjerë u përcaktua masa e detyrim paraqitje.

Presidenti i Republikës, Ilir Meta deklaroi se “të gjitha arrestimet, ndalimet dhe procedimet për mbrojtjen paqësore të Teatrit Kombëtar janë vetëm politikë dhe duhen liruar”.

Zoti Meta i bëri këto komente kur tetë të arrestuarit gjatë protestës të të dielës dolën para Gjykatës së Tiranës për masën e sigurisë.

Presidenti Ilir Meta, deklaroi se “shembja e Teatrit Kombëtar asgjësoi përfundimisht çdo iluzion për ekzistencën e shtetit të së drejtës në Shqipëri”.

Aleanca për Mbrojtjen e Teatrit po organizon një tjetër tubim proteste në orët e pasdites, duke kërkuar hetime për shembjen e Teatrit Kombëtar dhe për dhunën ndaj pjesëtarëve të saj, që u përpoqën të shmangnin rrëzimin e ndërtesës deri në dialog për restaurimin e ndërtesës historike.

Protestave të qytetarëve u janë bashkuar edhe partitë e opozitës me veprimtarët e tyre nën parrullat “Poshtë Diktatura!”, duke akuzuar qeverinë se po shfrytëzon masat e mbylljes prej pandemisë për të kryer akte arbitrare, duke shkelur Kushtetutën dhe ligjet.

Kryeministri Edi Rama mohoi që të ketë patur dhunë nga policia dhe shtoi se nuk ka ndonjë arsye për të patur hetime as për Teatrin as për forcat e rendit.

Socialistët kanë premtuar një teatër të ri në truallin e Teatrit historik Kombëtar, ndërsa për Aleancën e Teatrit kjo është një aferë e madhe korruptive, prapa të cilës qëndrojnë grupe ndërtuesish për të ngitur kulla në qendër të kryeqytetit.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

FOTO/ Thaçi selfie me Ramën: Me Edin si çdoherë, pa protokoll...

Politikë

FOTO/ Thaçi selfie me Ramën: Me Edin si çdoherë, pa protokoll...

Gjatë vizitës së tij në Tiranë, presidenti i Kosovës Hashim Thaçi është takuar edhe me kryeministrin Edi Rama. Përmes një postimi në Facebook, kreu i shtetit në Prishtinë shkruan se takimi...

Gjykata e Apelit kthen në detyrë anëtarin e KPA-së, Luan Daci

Aktualitet

Gjykata e Apelit kthen në detyrë anëtarin e KPA-së, Luan Daci

Gjykata e Posaçme e Apelit kundër Korrupsionit dhe Krimit të Organizuar vendosi të ndryshojë vendimin e Gjykatës Kundër Korrupsionit dhe Krimit dhe ta rikthejë në detyrë anëtarin e KPA, Luan...

Pas drejtoreshës së Kufirit, arrestohet edhe motra e saj

Aktualitet

Pas drejtoreshës së Kufirit, arrestohet edhe motra e saj

Vazhdojnë arrestimet për grupin e përfshirë në trafikun e emigrantëve nga vendet e Lindjes në Shqipëri, për të vijuar në shtetet e Bashkimit Europian Në kuadër të operacionit “Toka e premtuar”...

Sondazh

Nothing found!

Sondazh

Nothing found!