ANALIZA/ “Ku fle lepuri në draftin e ‘opozitës falso’”- Andi Bushati: PO listave të hapura, JO lojrave të Ramës

Hënë, 15 June 2020 21:45

NGA ANDI BUSHATI

Edi Rama ka angazhuar gjithë llumin e parlamentit shqiptar, kundër marrëveshjes me trysni ndërkombëtare që u arrit në këshillin politik. Duke mbledhur një koalicion laraman deputetësh, ku bëjnë pjesë, si ata që kanë votuar për një vit me radhë sinkron me rilindjen, si ata që kanë ndarë bakshishet e inceneratorëve e deri tek socialistë që më parë shërbenin si argatë të familjes Berisha, kryeministri po përpiqet të krijojë një fortunë në gotë.

Qëllimi i saj është i thjeshtë. Duke u nisur nga një çështje me sensibilitet publik siç është ajo e listave të hapura, Edi Rama po përpiqet të fitojë sa më shumë avantazhe për zgjedhjet e ardhshme.

Kështu, grupi i deputetëve “kontestatorë” po përfiton nga një përpjekje e lavdërueshme e Nisma Thurrje, që mblodhi plot 50 mijë nënshkrime në të gjithë Shqipërinë kundër monopoliit që kryetarët kanë mbi partitë e mëedha, për ti bashkëngjitur tinëz, kësaj kauze morale edhe shtojca që i shërbejnë mbijetesës së regjimit.

Në draftin e opozitës fallco, që deri dje shefi i qeverisë e përdorte si letër higjenike dhe me të cilën sot merr mundimin të “negociojë”, është futur edhe vendosja e pragut 5% për partitë e vogla që nuk kapin dot deputetë direkt edhe ndalimi absurd i koalicioneve parazgjedhore.

Pikërisht këtu fle lepuri.

I bindur se nuk mund të bëjë më fushatë si klloun i vetmuar me timon në dorë, Rama po përpiqet të pengojë PD dhe LSI-në të hynë sëbashku në zgjedhje. Falë sistemit elektoral aktual, nëse dy partitë e mëdha të opozitës futen së bashku në koalicion, ato marrin një numër më të madh deputetësht për të njëjtin numër votuesish. Pra me koalicion, PD dhe LSI kanë më shumë shance të tentojnë rotacionin, sesa në rastin kur kjo gjë do iu pamundësohej me ligj.

Thënë shkurt, atë me të cilën gënjeu Lulzim Bashën kur nënshkruan marëveshjen okulte të 2017-ës, duke e detyruar të dilte i vetëm në zgjedhje, Rama po e provon tani me listën Murrizi. Boll të shohësh përbërjen e firmëtarëve, ata që i janë bashkëngjitur më pas dhe ndonjë teveqel pa personalitet nga PS-ja, për të kuptuar se ato nuk janë kërkesat e opozitës së re, por të padronit real të saj.

Natyrisht, për ti dhënë një lloj legjitimiteti kësaj farse të ndyrë, kryeministri dhe bedelët e tij, po fshihen pas kauzës së listave të hapura. E servirur kështu ajo lë para shqiptarëve idenë e një përpjekjeje demokratike, që u mundëson atyre të votojnë në mënyrë nominale kandidatët që duan për në parlament. E shitur kështu, ajo ngjan si një hap pozitiv.

Por, në fakt, qëllimi është i vogël, thjeshtë numerik dhe meskin. Në finale ai tenton ti japë Ramës ndonjë deputet më shumë, me ndihmën e atyre që as kanë më shanc të shkelin në atë kuvend.

Ndaj, thënë këtë, duhen ndarë dy gjëra. Së pari ata që kanë milituar për një sistem me lista të hapura, për demokratizimin e partive të shndërruara në garnizone, për ti dhënë më shumë peshë votes së qytetarëve duhen respektuar deri në fund. Kauza e tyre ka qenë xhenuine dhe e lavdërueshme.

Nga ana tjetër ata nuk duhet të digjen si i njomi me të thatin, duke u përzëre me të dytët, që po tentojnë të shfrytëzojnë këtë kauzë, për interesat e vogla të Edi Ramës, pra me opozitën e re që i ka bashkëngjitur listave të hapura edhe ndalimin e koalicioneve.

Vetëm duke bërë këtë dallim ne mund të vazhdojmë të mbështesim ndryshimin e sistemit nga i cili përfitojmë të gjithë, nga kulisat e vogla prej të cilave fiton vetëm kryerilindasi. Ky i fundit, tani bën sikur pranon listat e hapura që nuk i ka dashur kurrë, hiqet sikur do negociojë votimin e marrëveshjes me ca personazhe qesharake, por në fakt, ka vetëm një qëllim, ti çojë PD-në dhe LSI-në të përçara drejt zgjedhjeve. Thjeshtë për këtë e ka organizuar teatrin me mbledhje nënshkrimesh, dhe me ndryshim kushtetute, duke nxjerrë në plan të parë të politikës disa personazhe që deri më tani kanë qenë objekt barcaletash./ Lapsi.al

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Vetmitari i dashurisë dhe “Anja” e Ahmet Prençit - Arben Çejku

Kulturë

Vetmitari i dashurisë dhe “Anja” e Ahmet Prençit - Arben Çejku

(Shënim për Romanin “Anja”, botuar nga WestPrint) Sapo kam përfunduar së lexuari romanin “Anja” të shkruar nga Ahmet Prençi, autor i një vëllimi të shkëlqyer poetik (Udhë në pasqyrë - 2016)...

Sulmi me armë në Tushemisht,ish-deputeti i PD:Biznesi i terrorizuar, Rama po kthen Pogradecin nga qyteti i Lasgushit, në qytetin e kamorrave

Politikë

Sulmi me armë në Tushemisht,ish-deputeti i PD:Biznesi i terrorizuar, Rama po kthen Pogradecin nga qyteti i Lasgushit, në qytetin e kamorrave

  Ish-deputeti i PD Klevis Balliu ka reaguar në lidhje me ngjarjen e ndodhur sot në Tushemisht ku u sulmua me armë një hotel.Ish-deputeti Klevis Balliu deklaroi nga Pogradeci se biznesi...

Tritan Shehu:Qeveria vazhdon te bllokoje laboratoret per aresye te “erta”!

Politikë

Tritan Shehu:Qeveria vazhdon te bllokoje laboratoret per aresye te “erta”!

Qeveria vazhdon te bllokoje laboratoret per aresye te “erta”!Cuditerisht mbas vendimit te “clirimit” te laboratoreve nga pengesat anti shkencore e ndesh me te drejtat e qytetareve per testimet Covid“, vendosen...