Media e madhe amerikane: DASH e pranon, vendimi për Berishën u bazua mbi raporte OJF-sh

Tuesday, 21 December 2021 13:11

 

Portali i madh konservator, Free Beacon, me qendër në Uashington, ka publikuar një intervistë me kongresmenin republikan, Lee Zeldin, që thekson se sanksionet për Sali Berishën ishin një hakmarrje për mbështetjen e tij ndaj republikanëve dhe ish-presidentëve Bush.

Më tej ai thekson se sanksionet janë një hakmarrje e miliarderit George Soros, një donator i madh i Partisë Demokratike në SHBA, pasi Sali Berisha është një kritik i zëshëm i tij.

Edhe pse prej muajsh po kërkon transparencë për vendimin, duke kërkuar fakte dhe prova, kongresmeni Lee Zeldin thotë se sjellja e DASH është e dyshimtë.

Ai shton se pavarësisht kërkesave zyrtare, DASH po pengon transparencën dhe punën e Kongresit, që e ka për detyrim të kontrollojë degën ekzekutive.

Por edhe vetë portali Free Beacon thotë se ka kërkuar nga DASH informacione për vendimin e marrë për Sali Berishës. Edhe në këtë rast, DASH ka zgjedhur të heshtë.

Jo vetëm kaq, por një zëdhënës i DASH ka deklaruar se vendimi për Berishën është marrë bazuar te raportet e Organizatave Jofitimprurëse.

“Zyrtari i Departamentit të Shtetit citoi raporte nga OJF-të lokale, rajonale dhe ndërkombëtare se Berisha përdori pozicionin e tij drejtues për të pasuruar familjen dhe miqtë e tij,” shkruan Free Beacon.

Më tej, portali shkruan se Sali Berisha pretendon se OJF-të ku mbështetet DASH janë pjesë e një rrjeti të gjerë filantropik të Soros, që bëjnë punën politike të miliarderit.

Kujtojmë se gazetari i njohur amerikan, Matt Palumbo ka shkruar se raportimet e OJF-ve vijnë nga ish-partnerja e Edi Ramës, Dalina Fico

Modifikuar më E mërkurë, 22 December 2021 12:15

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

PS vihet në lëvizje për zgjedhjet e pjesshme vendore/ Zbulohet kandidatja e Shkodrës

Politikë

PS vihet në lëvizje për zgjedhjet e pjesshme vendore/ Zbulohet kandidatja e Shkodrës

  Pas dekretimit të datës së zgjedhjeve të pjesshme vendore më 6 Mars, Partia Socilaiste është vënë në lëvizje dhe ka përzgjedhur disa prej kandidatëve. Kryeministri Edi Rama ka vendosur që Majlinda...

Sasia prej 500 kg drogë e kapur në Mal të Zi në kamionin me bimë medicinale mbetet “jetime”. Zbardhet dëshmia e shoferit dhe pronarit të ngarkesës

Kronikë

Sasia prej 500 kg drogë e kapur në Mal të Zi në kamionin me bimë medicinale mbetet “jetime”. Zbardhet dëshmia e shoferit dhe pronarit të ngarkesës

Drejtuesi i kamionit ku u kap sasia prej 500 kg drogë e llojit marijuanë në Malin e Zi ka deklaruar se nuk kishte dijeni mbi praninë e lëndës narkotike, e...

Fushata e re e markës “Gucci” përballet me kritika të shumta duke përdorur kafshë të vërteta për të festuar “Vitin Kinez të Tigrit”

Lifestyle

Fushata e re e markës “Gucci” përballet me kritika të shumta duke përdorur kafshë të vërteta për të festuar “Vitin Kinez të Tigrit”

  Marka luksoze e modës Gucci është përballur me kritika për fushatën e saj të fundit për të cilën ka paraqitur tigra të vërtetë. Pasi janë publikuar disa foto të fushatës...