Ekspertët thonë se nëse kjo ndodh, shanset e Trump për fitore të thellë në zgjedhjet e vitit do shtohen në mënyrë të jashtëzakonshme.
Por kush është prokurori i Manhatanit që kërkon të ngrejë padi? Ai quhet Alvin Bragg dhe sipas medieve ka marrë financime nga Soros për t’u zgjedhur në këtë post.
Vetë Donald Trump, duke bërë thirrje për protesta, tha të shtunën se po e përndjek drejtësia e financuar nga Soros.
Senatori amerikan, James David Vance, një biznesmen i njohur në SHBA, tha se “Bragg është një njeri i blerë nga Soros”. “Ai ka lejuar kriminelët e dhunshëm që të jenë të lirë në rrugët e Nju Jorkut, por do të padisë kandidatin e mundshëm republikan për një akuzë të pabazë kundërvajtëse. Këta njerëz po e kthejnë Amerikën në një vend të botës së tretë”.
Sipas medieve amerikane, Soros i dha Alvin Bragg 1 milion dollarë gjatë fushatës për t’u zgjedhur prokuror në Manhatan.
Kjo shumë ishte pjesë e 40 milionë dollarëve, që sipas Daily Mail, Geoge Soros pagoi për të zgjedhur prokurorët e tij në SHBA.
Kurse gazetari Matt Palumbo, tha se Soros ka qenë jashtëzakonisht i suksesshëm në zgjedhjen e prokurorëve të majtë në SHBA. “Ai ka pasur një nivel suksesi prej 90 përqind, në përzgjedhjen e prokurorëve të tij në detyrë,” tha Palumbo.
Edhe ligjvënësja amerikane Marjorie Taylor Green sulmoi ashpër miliarderin hungarezo-amerikan, George Soros. Ajo tha se ai e ka dëmtuar demokracinë amerikane, ndaj duhet t'i hiqet shtetësia.
"Asnjë person tjetër nuk e ka minuar demokracinë tonë më shumë se George Soros. Pse i duhet lejuar të mbajë nënshtetësinë," shkroi ajo.
Soros është nën akuzë edhe në Shqipëri se ka ndikuar për të shkatërruar demokracinë dhe opozitën. Ai thuhet se ka ndikuar në miratimin e një reforme në drejtësi, që i ka dhënë pushtet të pakufizuar kryeministrit shqiptar.
