Shfaqja e Erjon Velisë me lopatë në dorë duke mbjellë pemë, kudo, madje njëkohësisht në shumë vende sipas kasetave që u dërgon medieve, është kthyer në një barcaletë që i përngjason fushatës së dikurshme të komunizmit me hapjen e tokave të reja. Ashtu si Veliaj, edhe regjimi hoxhist shfaqej ditë e natë duke hapur toka të reja dhe e përcillte aq egërsisht këtë fushatë tek shqiptarët, saqë tërhoqi edhe vëmendjen e medias italiane. Me qesëndi, mediat italiane bën një investigim të thjeshtë gazetaresk dhe zbuluan se nga regjimi komunist ishin propaganduar aq shumë sipërfaqe toke të hapur, saqë rezultonte të ishte më shumë se vetë sipërfaqja e Shqipërisë.

Ky shkrim i medieve italiane i shkon aq përshtat fushatës së mbjelljes së pemëve të Erion Velisë saqë nuk rrëzohet shkrimi i italianëve nëse zëvendësojmë mbjelljen e pemëve me hapjen e tokave. Por, ashtu si edhe në komunizëm, edhe historia e Veliajt ka një faturë financiare të mistershme. Ai nuk e thotë se vetëm një pemë kushton të paktën 40 mijë lek dhe nëse do ta shumëzojmë këtë më 120 mijë pemë të mbjella, siç thotë ai, rezulton një faturë prej rreth 5 miliardë lekësh dhe me një “pyllëzim” që kapërcen edhe xhunglën e Amazonës.

Ashtu si komunistët që shkuan në Kinë me tokat e hapura, Veliaj ka shkuar në Honolulu me pemët e mbjella. Por, gënjeshtra i ka këmbët e shkurtra dhe kjo fushatë kinse gjelbërimi nuk është gjë tjetër veçse një farë e zezë korruptive.