Dje, regjimi i kriminelëve komunistë, për çdo gjë fajësonte “armimin e popullit”. komunistët morën pushtetin me forcë. Vranë e grabitën çfarë iu desh qejfi. Ndërtuan një regjim eksperimental të dështuar dhe asnjë nuk e ngopën këtë popull me bukë. Për të përligjur dështimet e tyre gjithnjë organizonin procese politike me “armikun e popullit”. E nisën vitet e para me gjyqe kundër “kriminelëve të popullit”. Dilnin nëpër kushedi sa jokomunistë të cilët akuzoheshin se i kishin pirë gjakun popullit. pastaj në vitet vijuese filluan të dalin të tjerë të pandehur duke thënë se nga këta nuk rritej mirëqenia e popullit. Këtë formulë dështake qe është provuar njëherë, e kanë futur tashmë pasardhësit e komunistëve, të ashtuquajturve “socialistë”. Këta si të parët e tyre, nuk dinë stil tjetër qeverisjeje. Kanë 5 vjet që qeverisin. U lodhën përditë duke thënë se ishte faji i qeverisjes së kaluar. E mbushën vendin me drogë gjithandej. Prapë thonë që fajin e ka opozita. Kryetellallët e propagandës, Rama, Balla, Veliaj, po potencojnë kohën e fundit tezën se nuk do nisin negociatat ngaqë opozita ka zhvilluar agjitacion e propagandë kundër qeverisë. Kjo e fundit nuk merr asnjë përgjegjësi qeverisëse. Kjo propagandë bajate, pritet të shtohet edhe më shumë kur këndes Ramës  t’i bien puplat erdoganisto-putiniste. Shqiptarët me barkun bosh do dëgjojnë propagandën se “armiku i popullit”, na e punoi edhe këtë herë. Po e them sot se këtë gjë do thonë atëherë./55news.al/