Nëpërmjet një statusi në Facebook në faqen zyrtare të Partisë Demokratike, partia më e madhe opozitare në vend deklaron se indiferenca e opozitës do të ishte fuqia më e madhe e plaçkitësve të inkriminuar si Edi Rama.
“Njëmbëdhjetë kuksianët e burgosur janë turpi dhe fundi i këtij parlamenti që ka treguar se nuk ka problem as vrasësit, as përdhunuesit, as kriminelët, por nuk mund të tolerojë ata që ngrejnë zërin për të drejtat dhe dinjitet. Kryeministri dhe Ministri i Brendshëm, vëllezërit e të cilëve janë trafikantë droge, i duan kuksianët dhe shqiptarët në burg. Indiferenca, heshtja jonë janë fuqia më e madhe e plaçkitësve të inkriminuar si Edi Rama. Padrejtësia ndaj kuksianëve është kërcënim për drejtësinë në çdo cep të Shqipërisë. Është njësoj për ata që iu prishën shtëpitë, që u hoqën nga ndihma ekonomike, për bizneset e vogla dhe mijëra shqiptarëve të tjerë. I bëj thirrje çdo shqiptari që të ngremë zërin dhe të qëndrojmë kundër çdo padrejtësie me çdo kusht dhe me çdo çmim. Reagimi i secilit do të jetë goditje fatale për këtë regjim grabitqaro-kriminal që kemi në krye të vendit. Nuk ka për të pasur procedim normal të Parlamentit pa larguar Ramën nga salla, njeriun që ka fyer si askush tjetër shqiptarët. Ai do të largohet, ai do të mbajë përgjegjësi për këtë fyerje, për krimet dhe grabitjet që i ka bërë vendit”, thuhet në faqen zyrtare të PD.