A e krahasoi Kryeministri shqiptar popullin e tij me organin seksual mashkullor?! Këtë lipset ta sqarojë ai vetë publikisht, pasi deklarata e tij në kontekst pati një jehonë të madhe në rrjetet sociale. Të shumtë janë qytetarët që kanë reaguar ashpër. Po kaq edhe politikanët…

Teksa fliste për taksën e Rrugës së Kombit dhe akuzonte opozitën nga foltorja e Parlamentit, Edi Rama u shpreh kështu: “Nuk mundet që ju të pengoni asgjë dhe të ndaloni asgjë! Kërcënimet: Shiko do ngrihen këta, do ngrihen ata. Bjeri bjeri se do ngrihet. Ai i shkreti kokë ulur s’të përgjigjet dot. Eshtë poezi që e di doktori. Pyeteni doktorin se e di mirë ai atë punë”.

Ja disa prej reagimeve:

Sali Berisha, ish-kryeministër: Kjo është gjuha e përçmimit dhe poshtërimit të njerëzve të thjeshtë që Edvin Kristaq Rama përdori në parlament

Petrit Vasili, politikan: E keni dëgjuar që për fat të keq, ky kryeministër ka bërë një krahasim vulgar duke e krahasuar popullin me organin gjenital mashkullor. Ky që ka nisë karrierën lakuriq do e mbyllë lakuriq.

Julian Deda, aktor: I dashur popull, dogjojeni pak me çfarë ju krahason Kryeministri juaj. Ju si të doni tani, ndaç ngrihuni, ndaç rrini kokulur.

Andis Harasani, ish-deputet: Jam shumë kurioz të di cilat nga deputetet femra të PS-së dhe cilat ministre duartrokitën pas kësaj fjale të Kryeministrit tonë të nderuar.