Në takimin që kryeministri Edi Rama ka patur sot me banorët në Lurë, nuk kanë munguar as replikat me disa të rinj. Një prej tyre i tha Ramës që premtimi i rrugës duhet realizuar jo të mbetet në letër siç ka ndodhur shumë herë më para. I riu i tregoi mbretit se është lakuriq. Në ato pak sekonda që ai foli, i riu rrëzoi gjithë fasadën e Ramës me punimet 3D të publikuara për shtrime e qindra kilometrave rrugë, gjithashtu ai rrëzoi edhe fasadën që suvatojnë përditë në media edhe ata pak analistë të paguar që në çdo studio ngjyrosin broçkullat e kryeministrit.  Duket se kjo si ka pëlqyer Edi Ramës, që e ka ftuar të riun të mësojë më shumë dhe të mos të flasë në emrin e të gjithëve.

Ajo që u pa tjetër në Lurën e largët ishte mashtrimi me portalin “Mësues për Shqipërinë”.

Një nga qytetarët e pranishëm i ka shprehur shqetësimin e  tij Ramës, duke i thënë se pas mbarimit të universitetit ka aplikuar në portalin ‘Mesues për Shqipërinë’ për tu punësuar si mësues dhe sipas tij nuk ka marrë asnjë përgjigje.

Rama duket se nuk e priste këtë dhe u gjend i papërgatitur për një përgjigje kundrejt të riut që shprehu shqetësimin.

Kjo është edhe mënyra me të cilën jemi mësuar ta shohim shpesh Edi Ramën. Në të gjitha replikat me qytetarët, në bashkëbisdeimete  qeverisjes, Rama ka ngritur zërin duke kundërshtuar dhe ofenduar qytetarët që ia thonë të vërtetat në sy.

Për kryeqytetasit më shumë, por edhe për shqiptarët grindja e Ramës na kujton personazhin e rrugës së Kavajsë, Ver Llapën.

(Ver Llapa)