Deputeti i Partisë Demokratike, Gent Strazimiri, ka reaguar pas informacioneve të fundit se autoritetet zyrtare në Tiranë po përgatisin lirimin nga burgu të Artur Karajt, një trafikant ndërkombëtar qeniesh njerëzore, vëlla i Nëndrejtorit të Policisë së Kufirit, Xhevahir Karajt.

Deputeti demokrat ka shkruar se Xhevahir Karaj është i përmendur në raportet për zgjedhjet e vitit 2001 si dhunues i komisionerëve të opozitës, sikundër është autor i mijëra shkarkimeve të paligjshme në radhët e policisë pas “riveshjes” në vitin 2013.

Me ironi Strazimiri thotë se “kush nuk e plotëson kushtin e të paktën një vëllai kriminel, e ka vendin....në burg!”

Postimi i plotë i Strazimirit

"Kush është?

Është ADN e "Policia që duam" , dmth:

- '97-sh,

- i pluripermendur në raportin e opozitës për zgjedhjet e vitit 2001, si militant dhunues i komisionerëve dhe vëzhguesve të opozitës.

- kandidat për depuetet i PS në zgjedhje, e më tej militant i "Parttisë" deri ditën e rikthimit në pushtet në 2013

- rivishet si polic i "papolitizuar" me detyren shef kuadri (me të vjetrat) në Drejtorinë e Përgjithëshme të "Policia që duam" .

- Autor i mijëra shkarkimeve të paligjshme dhe ca më shumë pranimeve të paligjshme në piramidën e Policisë së Shtetit.

- Për shkak të moszbatimit të ligjit nga ana e tij, sot shteti ka borxh paga të prapambetura dhe vendime rikthimi në punë.

Por "merita" më e rëndësishme që paskësh patur, qenkësh kushti "sine qua non" që të bëhesh "i madh" nën këtë edvinëri: të paktën një vëlla kriminel ndërkombëtar!

Aktualisht, nëndrejton ruajtjen e "kufinjve të paprekshëm të Atdheut tonë Socialist" !!!!!!

'KAQË!!!!!

P.S. kush nuk e plotëson kushtin e të paktën një vëllai kriminel, e ka vendin....në burg!"