Sipas Partisë Demokratike procesi i Vetingut është shndërruar në “Edving” pas rastit më të  freskët të zbatimit të standardeve të dyfishta në vlerësim, atij ndaj gjyqtarit Ardian Dvorani. Nga selia e PD, deputeti Gent Strazimiri i bëri një "portret" figurës së gjyqtarit Ardian Dvorani, që u parait para KPK-së dhe u morr edhe në mbrojtje:

“KPK-ja provoi sërish sot  se po zbaton standardët e dyfishta për gjyqtarët dhe prokurorët që i shërbejnë Edi Ramës. Ardian Dvorani, gjykatësi i lartë që njihet publikisht si çanta e shpinës së Fatmir Xhafajt është simboli i shërbëtorit të dyfishtë të Edi Ramës në sistemin e drejtësisë.

Ai u mor sot në mbrojtje nga KPK-ja pavarësisht se anëtari  i Gjykatës së Lartë sipas ILDKP-së nuk justifikonte 99 milionë lekë! Në një rast të paprecedentë, KPK përmbysi rezultatin e ILDKPI me justifikimin se ka harruar të dorëzojë një fletë në deklarimin e pasurisë”.