Kreu i PDIU, Shpëtim Idrizi ka sqaruar sërish vendimin e Këshillit Kombëtar të kësaj partie me frontin opozitar.

Në një intervistë për ‘Kjo Javë’ në News 24’, Idrizi sqaroi se PDIU s’ka qenë pjesë e qeverisjes dhe se në zgjedhje PDIU hyri e vetme.

“Vendimi i kryesisë për thirrjen e Këshillit Kombëtar ishte një veprim i arsyetuar, por edhe i detyruar për tu vendosur me partitë opozitare. Nuk kemi ikur nga askush. Ne zgjedhje kemi hyrë të vetëm. Mazhoranca e mori gjithë qeverinë për vete dhe ne s’jemi pjesë e qeverisjes. Bashkimi me opozitën ishte e vetmja rrugë për PDIU, pasi edhe Kodi zgjedhor na detyron të rreshtohemi në koalicion sepse mazhoranca na mori që në zgjedhe mandatet tona. Nesër kemi parashikuar një takim me zotin Basha. Pra, ne bashkohemi me opozitën për t’i shtuar një vlerë”, u shpreh Idrizi.