Drogë, vjedhje, krime dhe së fundmi përdhunime.

Kjo është panorama e qeverisë Rama që prej kur ka ardhur në pushtet.

Është dëgjuar në botë për qeveri që nuk e kryejnë punën e tyre si duhet, por kjo e Ramës është e vetmja qeveri që akuzohet për këto gjëra.

Skandali i qeverisjes së Ramës fillon që në momentin që ministrat e tij kanë ndotur duart me drogë, vjedhje, dhe krime monstruoze.

Ish ministri i brendshëm, Saimir Tahiri u përfshi në një vorbull droge, ku ndihma e tij e vyer kontribuoi në kanabizimin e të gjithë vendit. Pas tij, postin e ministrit të brendshëm e zë një tjetër figurë e inkriminuar. Fatmir Xhafaj, u soll si një vëlla i madh duke favorizuar vëllain e tij për mos kryerjen e një dënimi që ka marrë në Itali për një aferë trafiku droge.

Shqiptarët e kujtojnë se një nga ligjet e miratuara në kuadër të Reformës në Drejtësi, ishte edhe ndryshimi i Kodit të Procedurës Penale. Pikërisht ky ligj ishte mundësia e artë që Fatmir Xhafaj të zgjidhte hallin e madh të vëllait të tij Agron Xhafaj.

I treti në radhë, por jo më pak i rëndësishmi është Taulant Balla, i cili me një egoizëm të ftohtë kryen çdo krim të mundshëm. Ishte kryetari i Partisë Demokratike, Lulzim Basha ai që zbuloi fytyrën e vërtetë të tij, duke i nxjerrë miliona eurot në makinat që u kapën disa ditë më pas në portin e Durrësit.

Balla njihet gjithashtu për lidhjet e tij me kryemafiozët shqiptarë, si Edmond Bega. Kumbari i çdo mafiozi është pikërisht Taulant Balla.

E për të mos mjaftuar e gjithë kjo, emri i tij del edhe si kumbar i përdhunuesve. Këto janë faktet për të cilat njihet Taulant Balla dhe çdo ministër i Ramës, pra vetëm për vjedhje, drogë dhe përdhunime dhe jo për ndonjë sukses dhe arritje në të mirë të qytetarëve shqiptarë.

I fundit për ti dhënë dorën e fundit kësaj panorame të krimit, është i çmuari i kryetarit të partisë, Erion Veliaj s’ka lënë asnjë tender ti shkojë dëm, duke futur në xhep miliona e miliona lekë. I radhës është ndërtimi i Teatrit Kombëtar, dhe ai po përdor çdo mënyrë manipulimi për të vjedhur deri në qindarkën e fundit qytetarët.

Kjo qeveri e krimit duhet rrëzuar sa më parë nga pushteti, dhe e vetmja mënyrë është Vettingu në politikë. Kësaj panorame të shëmtuar i ka ardhur fundi. /redaksionale