Kryetarja e Lëvizjes Socialiste për Integrim, Monika Kryemadhi, përshëndeti vullnetin e shprehur nga populli i Maqedonisë pas shpalljes së rezultatit të referendumit të djeshëm.

“Dëshiroj të përshëndes vullnetin e shprehur nga populli maqedonas për realizimin përfundimtar të marrëveshjes me shtetin fqinj Greqinë për çështjen e emrit.

Qytetarët e Maqedonisë dhanë mesazhin e qartë për perspektivën e tyre euroatlantike.

I takon politikës maqedonase të veprojë me maturi për realizimin e marrëveshjes me Greqinë dhe etapave të integrimit të vendit në familjen euroatlantike”, shkruan Kryemadhi në një postim në Facebook.