Ditën e djeshme një ngjarje e rëndë u shënua në Mat, ku Kujtim Koxhaj qëlloi me breshëri armësh në drejtim të 13 personave, shumica e të cilëve ishin punonjës të Bashkisë.

 Tre prej tyre mbetën të vrarë dhe një tjetër u plagos për shkak të plagëve të marra, ndërsa deputetja e Partisë Demokratike Dhurata Çupi i kërkon sot llogari kryeministrit Rama për shkak të mosreagimit të tij lidhur me ngjarjen.

Çupi përmend dhe faktin se Koxhaj nuk ka qenë një njeri i panjohur në zonë, po kreu i PS-së dhe kryeplak i fshatit, që siç duket rruga sipas saj i cënonte interesat për zgjedhjet e ardhshme.

Reagimi i Çupit:

3 qytetare humben jeten dhe nje tjeter po lufton me plaget e marra ne spital. Ata nuk ishin bandit as trafikant e vrases por ishin qytetare te ndershem qe po punonin per te ndertuar rruge per banoret e varfer te Shellise. 

Ndersa sot familjaret dhe qytetaret e Matit pergaditen tu japin lamtumiren e fundit 3 qytetareve qe u vrane ne krye te detyres,kryeministri i vendit nuk ka gjetur nje minute te pakten per te ngushelluar familjen ndonese pergjegjesia e tij eshte e shumfishte. Ata 3 qytetare u vrane barbarisht dhe jo nga nje njeri dosido jo per hakmarrje apo prishje pazaresh droge, por nga kryeplaku dhe kryetari i PS me motivin e vetem se po ndertonin rruge dhe rruga mund ti prishte pune ne zgjedhje. 

Kjo eshte mendesia barbare qe ka mbjelle Edi Rama me qeveverine e tij. Trafik droge per vota, kriminel qe kercenojne me zgjedhje dhe kulmi vrasja e djeshme me e tmerrshmja nga te gjitha. Edi Rama hesht sepse eshte ai pergjegjes i kesaj mendesie kriminale i kesaj pasigurie dhe i banditeve qe ka veshur me pushtet politik.