Kreu i grupit parlamentar të LSI-së, Petrit Vasili, duket mosbesues në angazhimin e qeverisë dhe kryeministrit Edi Rama për të mbyllur kazinotë dhe bastet sportive në fund të këtij viti.

Në një postim në fb, Vasili thotë se ishte po Rama që me aksionin "Fundi i Marrëzisë" në 2013 deklaroi se askush nuk do ta ndalte në dhënien fund të kazinove derisa asnjë shqiptar të mos linte asnjë qindarkë në kumar, por sipas tij, fakt është se shqiptarët lanë 135 milion euro në vit dhe pikat nga 928 copë vajten në 4200.