Deputeti demokrat Klevis Balliu denoncon qëllimin e Kryeministrit Edi Rama për të cenuar lirinë e medias nëpërmjet paketës anti-shpifje. I ftuar në emisionin “Byro Politike” në “ABC News”, Balliu tha se promotor i kësaj pakete është Taulant balla, ky i fundit i dënuar për shpifje nga gjykatat. Deputeti demokrat thotë se ato që e shqetësojnë Ramën janë denoncimet dhe jo shpifjet. “Arsyeja pse nuk kemi deputetë socialistë është shumë e thjeshtë. U mbarojnë mashtrimet dhe s’kanë për çfarë të dalin. Rama e ka vetë shpifjen traditë, që nga partia Komuniste. Me shpifje Partia Komuniste përcaktonte fatet e shqiptarëve. Rama është pjesë e kësaj partie. Fakti që një nga promotorët e këtij ligji është Taulant Balla, një person i dënuar nga gjykata për shpifje. Rama krijon një ligj për tu mbrojtur nga denoncimet. Nga ana ligjore se si mund të bëhet ky ligj është e pamundur, Kodi Penal do votë të cilësuar” tha Balliu.
Ndërsa për pedagogun e gazetarisë Mark Marku , Rama po cenon lirinë e medias gjë kjo që edhe në Amerike, Kongresi nuk ia ka ndaluar vetes që të propozojë ligje që prekin lirinë e fjalës.