Presidenti i Republikës, Ilir Meta ka reaguar për votimin e ditës së djeshme të Kuvendit të Maqedonisë, ku i hapet rrugë ndryshimeve kushtetues, në kuadër të marrëveshjes me Greqinë për emrin.

Përmes një statusi në profilin e tij, kreu i shtetit thotë se votimi i djeshëm është një hap i rëndësishëm, shprese e besimi se procesi i anëtarësimit të Maqedonisë në NATO dhe BE është në rrugën e duhur. 

“Votimi në Kuvendin e Maqedonisë pro nismës për ndryshimet kushtetuese është një hap i rëndësishëm, shprese e besimi se procesi i anëtarësimit të Maqedonisë në NATO dhe BE është në rrugën e duhur. 
E përgëzoj qeverinë e Kryeministrit Zaev për përpjekjet e vendosura në këtë drejtim dhe të gjithë ligjvënësit e Kuvendit të Maqedonisë për mbështetjen e një procesi që jo vetëm çliron Maqedoninë nga një ngërç integrimi disa vjeçar, por ndikon edhe në sigurinë, stabilitetin e mirëqenien e rajonit tonë.”, -shkruan Meta në profilin e tij në Facebook.